Otorite gouvènman Dominiken yo idantifye yon zanmi pèsonèl Minis Anviwònman Dominiken an Jorge Orlando Mera, kòm otè zak asasinay sou minis lan jodi lendi 6 jen an nan biwo l. Selon sa reponsab yo fè konnen Miguel Cruz antre nan biwo minis la, Li louvri kout bal epi touye zanmi pèsonèl li a ak plizyè bal, pou kounya prezime asasen an anba men otorite polisyè yo.
Orlando Jorge Mera te Minis Anviwònman nan peyi l depi mwa Out 2020 jouk li mouri jodi 6 jen 2022 a. Li se pitit ansyen Prezidan Salvador Jorge Blanco, li te fèt nan Santiago de los Caballeros, nan rejyon Nò nan Repiblik Dominikèn.
JKC
