Olnick Alézy tout moun konnen sou non Fabregas pèdi lavi l britsoukou nan aprè midi mèkredi 28 fevriye a nan yon lopital Akayè.
Trajedi sa rive pandan foutbolè a ap jwe yon match zanmitay kote li tonbe sou tèren an pandan li fin choute yon balon. Jean Joseph Menard ki se yon Antrenè foutbòl nan komin nan rapòte apre Fabregas fin choute balon an li kenbe anba kè li.
Malgre tout efò zanmi l yo fè yo pa rive anime li, kouri lopital ak li, natif Akayè rann souf li malgre tout efò pèsonèl lopital fè.
Lanmô Olnick Alézy se yon gwo koutba pou foutbòl la nan komin Akayè. Se yon non kap rete pou lontan nan memwa Achelwa yo pou li sa li reyalize nan foutbòl la nan Site Drapo a.
